اضحك بس براحه كركر بس بشويش عشان محدش يتفرج علينا

شويه نكت تبلوا ريئكم بيها ويا رب يعجبوكم



توأم بيقول لأخوه التوأم وهو متنرفز إنت كنت فين ياعم أمك حمتنى مرتين


واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول



مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب



مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك



مره صرصار طلع من الخلاط قال يخرب بيت إللى يدخل الملاهى تانى



حشاش بيقول لصاحبه : أنا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك



كلب جاله ذبحة صدرية ليييييه؟؟؟ بيهوهوا على واحد أطرش



مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله



خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار



كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه



كان فيه سفينه طالعه في البحر وكانت مليانه بنات وبعدين السفينة عطات وكل اللى فيها غرقوا ما عدا واحده عارفين ليه ما غرقتش ؟ علشان كان اسمها بطه



لية بلديتنا بيلبس تي شيرت علية قطة ؟عشان الفار ميلعبش في عبة



غبي دافن نصه في الارض ليه ؟ بيصور فيديوكليب انا عايش ومش عايش



مره نكته ماشية بتعيط ليه؟؟ عشان واحد ضحك عليها



ويارب يكونو عجبوكم

وانتظروا الجزء الثانى على القهوه

soon

فى الركنايه الى هناك تحت النصبه جنب اللى بتاع الشيشه

ههههههههههههههه